saqarTvelos mdinareebi - qarzametiswyali
| ქვეყანა | საქართველო, თურქეთი |
| ტერიტორიული ერთეულები | ასპინძის მუნიციპალიტეტი |
| სათავე | ერუშეთის მთიანეთი 41°21`34` ჩ. გ. 43°00`46` ა. გ. |
| შესართავი | მტკვარი 41°18`20` ჩ. გ. 43°12`51` ა. გ. |
| შესართავის სიმაღლე | 1289 მ |
| სიგრძე | 20 კმ |
| აუზის ფართობი | 73 კმ² |
თურქ. Tatalit Deresi.
მდინარე, რომელიც წარმოადგენს სასაზღვრო ზოლს საქართველოსა (ასპინძის მუნიციპალიტეტი) და თურქეთს (ჩილდირის რაიონი) შორის. სათავე აქვს ერუშეთის მთიანეთში (თურქეთი), ზღვის დონიდან 2810 მ-ზე და მტკვარს ერთვის მარცხნიდან. სიგრძე 20 კმ, აუზის ფართობი 73 კმ². საზრდოობს თოვლის, წვიმისა და მიწისქვეშა წყლით. წყალდიდობა იცის გაზაფხულზე, მდგრადი წყალმცირობა - ზამთარში.
რუსეთის იმპერიის რუკებზე ნაჩვენებია, როგორც «Карзаметъ-чай», ხოლო საბჭოთა რუკებზე - «Карзаметчай» და ბოლოს «Карзаметисцкали».